آج وزیراعظم شہباز شریف دو روزہ دورے پر سعودی عرب روانہ ہوں گے،جہاں پر اہم ملاقاتیں متوقع ہیں۔
آج وزیراعظم شہباز شریف دو روزہ دورے پرسعودی عرب روانہ ہوں گے جدھر وہ سعودی ولی عہد محمد بن سلمان سمیت دیگر اہم شخصیات سے ملاقاتیں کریں گے ۔اس دورہ سعودی عرب میں وزیراعظم 28 سے 29 اپریل کو ریاض میں عالمی اقتصادی فورم کے خصوصی اجلاس میں شرکت کریں گے ، اس دورہ میں وزیراعظم کی سعودی ولی عہد محمد بن سلمان سے ملاقات بھی ہوگی جس میں سرمایہ کاری اور ولی عہد کے دورہ پاکستان پر تبادلہ خیال ہوگا۔
وزیراعظم عالمی اقتصادی فورم کے اس اجلاس میں عالمی صحت ، فنانشل ٹیکنالوجیز، انفارمیشن ٹیکنالوجی ، جامع ترقی، علاقائی تعاون، اور عالمی ترقی کے تناظر میں توانائی کے متوازن استعمال کے حوالے سے پاکستان کا مؤقف ساری دنیا کے سامنے رکھیں گے۔دورہ سعودی عرب کے دوران ہی وزیراعظم شہباز شریف کی آئی ایم ایف کی سربراہ کرسٹالینا جارجیوا سے بھی ملاقات متوقع ہے ، اس ملاقات میں نئے اقتصادی پیکیج پر تبادلہ خیال ہوگا۔دورہ میں وزیراعظم کی بل گیٹس سے ملاقات کا بھی امکان ہے، وزیر خارجہ اسحاق ڈار اور کابینہ کے اہم اراکین بھی وزیراعظم کے ہمراہ شامل ہوں گے۔
