ذرائع کے مطابق چھٹی پرگھرجانےوالے3 ایف سی اہلکاروں کو اغوا کر لیا گیا ہے۔ پولیس نے اس حوالے سے سرچ آپریشن جاری کردیا ہے۔
ضلع ٹانک میں تھانہ گومل کی حدود کوٹ اعظم میں یہ واقعہ پیش آیا ہے۔جدھر چھٹی پر گھر جانے والے ایف سی کے تین اہلکاروں کو نامعلوم مسلح افراد نے اغوا کر لیا ہے۔ ذرائع کے مطابق ایف سی کے اہلکار جوکہ علاقہ سرغر سے پرائیوٹ گاڑی کے ذریعے چھٹی پر گھر جا رہے تھے، اسی دوران کوٹ اعظم کے علاقے میں یہ واقعہ پیش آیا جہاں پر نامعلوم مسلح افراد نے ایف سی کی گاڑی کو روکا، اور تینوں اہلکاروں کو اتارا کر اغوا کرلیا۔
ڈی پی او ٹانک عبدالسلام خالد کے مطابق اس واقعے کی اطلاع ملتے ہی فوری طور پر پولیس اور سیکورٹی اداروں نے علاقے بھر میں اغوا کاروں کے خلاف سرچ آپریشن جاری کردیا ہے۔واضح رہے کہ چھٹی پرگھرجانےوالے ایف سی کے 3 اہلکاروں کو اغوا کر لیا گیا ہے،ذرائع کے مطابق یہ واردات ضلع ٹانک میں تھانہ گومل کی حدود کوٹ اعظم میں پیش آیا ہے۔
