امریکی وزیر خارجہ نے آرمی چیف جنرل عاصمن میر سے رابطہ کیا ہے اور پاک بھارت کشیدگی کے خاتمے کیلئے کردار ادا کرنے کی پیشکش کی ہے ۔
امریکی محکمہ خارجہ کی جانب سے کہا گیا ہے کہ پاکستان کے آرمی چیف جنرل سید عاصم منیر سے امریکی وزیرخارجہ مارکوروبیو نے ٹیلیفونک رابطہ کیا ہے ۔
امریکی محکمہ خارجہ کے مطابق امریکی وزیرخارجہ نے آرمی چیف جنرل عاصم منیر کو پاک بھارت کشیدگی کم کرنے کے لیے تعاون کی پیشکش کی ہے ۔
امریکی محکمہ خارجہ کے مطابق مارکو روبیو نے مستقبل میں تنازعات سے بچنےکےلیےامریکہ کی طرف سے تعمیری معاونت کی پیشکش کی ہے ۔
یاد رہے کہ بھارت نے پاکستان میں 3 ایئر بیسز پر میزائل داغے ہیں، تاہم پاکستان کے ایئر ڈیفنس سسٹم نے ان میزائل حملوں کو ناکام بنا دیا جس کے جوابی کارروائی میں پاکستان نے آپریشن بنیان مرصوص کا باقاعدہ آغاز کر کے بھارت کی تین ایئر بیسزسمیت متعدد ایئر فیلڈز کو تباہ کر دیا ۔
