یو اے ای اور پاکستان سمیت مسلم ممالک میں عیدالفطر کب ہوگی۔متحدہ عرب امارات کے ماہرین فلکیات نے تاریخ بتادی
متحدہ عرب امارات میں ماہرین فلکیات کی جانب سے عید الفطر کی تاریخ کے حوالے سے پیشگوئی کی گئی ہے۔ ایمریٹس آسٹرونومی سوسائٹی کے بورڈ آف ڈائریکٹرز کے چیئرمین ابراہیم الجروان نے بتایا ہے کہ اس سال عید الفطر بروز بدھ 10اپریل کو ہونے کا امکان ہے۔ اس کا مطلب ہے کہ متحدہ عرب امارات سمیت سعودی عرب کے مسلمان 30دن کے روزے رکھیں گے۔دوسری جانب چند میڈیا رپورٹس میں دعوی کیا جارہا ہے کہ پاکستان میں 10اپریل کو عید الفطر کا چاند نظر آنے کی پیشگوئی کی گئی ہے یعنی پاکستان میں عیدالفطر 11اپریل بروز جمعرات کو ہونے کا امکان ہے۔
