9 سال 50 سے 60 ارب روپے سالانہ خیبر پختونخوا میں کہاں خرچ ہوئے ہیں؟۔
گورنر خیبرپختونخوا فیصل کریم کنڈی کے مطابق 9 سالہ دور میں 50 سے 60 ارب روپے سالانہ خیبرپختونخوا میں کہاں خرچ کئے گئے ہیں۔ان کے مطابق صوبہ بھر میں پولیس کی تنخواہیں بھی کم ہیں اور ان کے پاس دہشتگردوں سے مقابلے کیلیے بہتر ہتھیار بھی نہیں ہے۔گورنر خیبر پختونخوا کا کہنا تھا کہ اگر وزیر اعلیٰ خیبر پختونخوا علی امین گنڈاپور ملاقات کے لئےدعوت دیں گے تو جانے کیلیے تیار ہوں۔ان کے مطابق صوبے کے حقوق کیلیے کسی بھی پارٹی کے لیڈر کے پاس جانے میں کوئی قباحت نہیں ہے۔مجھے اس سلسلے میں جس کے پاس بھی جانا پڑے گا میں جاؤں گا۔
انہوں نے کہا ہے کہ سانحہ کولاچی میں پی ٹی آئی کے ایک وزیر شہید ہوئے۔ اس پر پی ٹی آئی حکومت جوڈیشل کمیشن کیوں نہیں بناتی؟فیصل کریم کنڈی کے مطابق سیاسی جماعت کو مذاکرات کرنے ہیں تو ان کو سیاستدانوں کے ساتھ بیٹھنا ہوگا۔ انہوں نے سوال اٹھایا ہے کہ 9 سال 50 سے 60 ارب سالانہ خیبر پختونخوا میں کہاں خرچ ہوئے؟ پولیس کی تنخواہ صوبے میں سب سے کم ہے، پولیس کے پاس دہشتگردوں سے مقابلے کیلیے بہتر ہتھیار بھی نہیں ہیں۔
