محکمہ پولیس بلوچستان نے غفلت برتنے اور ڈیوٹی سے طویل غیر حاضری پر 200 سے زائد اہلکاروں کو برطرف کردیا ہے۔
جاری کردہ نوٹیفکیشن کے مطابق برطرف کیے گئے اہلکاروں میں کانسٹیبل، ہیڈ کانسٹیبل اور اسسٹنٹ سب انسپکٹرز (اے ایس آئی) شامل ہیں۔نوٹیفکیشن میں مزید کہا گیا کہ برطرف کیے گئے افسران کا تعلق بلوچستان کے مختلف علاقوں سے ہے جن میں کوئٹہ، لورالائی، سبی، قلات، ژوب، نصیر آباد اور مکران شامل ہیں۔ محکمہ پولیس نے اس بات کا اعادہ کیا کہ لاپرواہی اور غیر حاضری کو برداشت نہیں کیا جائے گا۔محکمے نے تمام باقی اہلکاروں پر زور دیا کہ وہ اپنے فرائض اور ذمہ داریوں پرسختی سے عمل کریں۔
