سکیورٹی فورسز کی جانب سے پاک افغان بارڈر پر دہشتگردوں کی دراندازی کی ایک اور کوشش کو ناکام بنا دیا ۔
آئی ایس پی آر کی جانب سے جاری بیان کے مطابق بلوچستان کے ضلع ژوب کے علاقہ سمبازا میں افغانستان کی جانب سے دہشتگردوں کی دراندازی کی کوشش کے دوران سکیورٹی فورسز کی موثر کارروائی میں 6 دہشتگرد ہلاک ہو گئے ۔
پاک فوج کے شعبہ تعلقات عامہ کے مطابق مارے گئے دہشتگردوں کے قبضے سے بڑی مقدار میں اسلحہ اور گولہ بارود بھی برآمد ہوا ۔
آئی ایس پی آر کا کہنا ہے کہ پاکستان افغان عبوری حکومت سے بارہا کہتا آرہا ہے کہ اپنی جانب بارڈر مینجمنٹ موثر بنائے، توقع ہے افغان عبوری حکومت اپنی ذمہ داری پوری کرے گی ۔
آئی ایس پی آر نے امید ظاہر کی ہے کہ افغان حکومت اپنی سرزمین پاکستان کیخلاف دہشت گردی کیلئے استعمال کرنے کی اجازت نہیں دے گی ۔
آئی ایس پی آر کا کہنا ہے کہ سکیورٹی فورسز سرحدوں کے تحفظ اور ملک سے دہشت گردی کے خاتمے کیلئے پُرعزم ہیں ۔
