Latest Urdu news from Pakistan - Peshawar, Lahore, Islamabad

اسلام آباد میں چیتے گھس آئے ، لوگوں میں خوف و ہراس

اسلام آباد(ویب ڈیسک) وفاقی دارالحکومت اسلام آباد میں چیتے گھس آئے ہیں جس کی وجہ سے لوگوں میں خوف و ہراس پھیل گیا ہے۔
چیتوں کے آنے کی اطلاع ملتے ہی پولیس اور وائلڈ لائف کے اہلکاروں نے سید پور گاؤں کو گھیرے میں لے لیا ہے۔ جب کہ لوگوں کو محتاط رہنے اور گھروں میں رہنے کے لیے مساجد سے اعلانات کیے جا رہے ہیں۔
عینی شاہدین کے مطابق انہوں نے کل چھ چیتے دیکھے ہیں۔ جن میں سے تین بڑے اور تین چھوٹے بچے ہیں۔ چیتوں نے اب تک کی اطلاعات کے مطابق ایک بکری کو بھی مار ڈالا ہے۔
ڈپٹی کمشنر اسلام آباد کے مطابق مغرب کے بعد چیتوں کو سید پور ویلج میں دیکھا گیا۔ فوری طور پرمساجد سے اعلانات کرائے گئے۔ وائلڈ لائف کی ٹیم فوری طور پر موقع پہ پہنچ گئی جو ابھی بھی موجود ہے۔
ڈی سی اسلام آباد کے مطابق ابھی بہت اندھیرا ہے، کل ان کو ٹریپ کیا جائے گا۔ ہم کوشش کر رہے ہیں کہ آبادی کو کوئی نقصان نہ پہنچے۔  محکمہ وائلڈ لایف کی ٹیم ان چیزوں میں تجربہ رکھتی ہے۔
وفاقی دارالحکومت اسلام آباد کی پولیس کے مطابق شہری کسی بھی ہنگامی صورتحال کی اطلاع پکار 15 پر دیں۔

” rel=”noopener” target=”_blank”>


دوسری جانب فواد چوہدری نے اپنے ایک ٹویٹر بیان میں کہا ہے کہ اسلام آباد چیتوں کی جگہ پر قبضہ کر کے بنا ہے ۔ چیتوں نے بھی رہنا ہے
ان کا بھی خیال کرنا اسلام آباد کے ہر شہری کا فرض ہے۔ 

جواب چھوڑیں

آپ کا ای میل ایڈریس شائع نہیں کیا جائے گا.