نوجوانوں کیلئے خوشخبری،اقتصادی رابطہ کمیٹی نے صفر شرح سود پر الیکٹرک بائیکس اوررکشوں کیلئے پانچ لاکھ روپے تک کا قرض فراہم کرنے کی منظوری دیدی۔ وزیرخزانہ اسحاق ڈار کی زیر صدارت اقتصادی رابطہ کمیٹی کی بیٹھک میں اہم فیصلے،مہنگے درآمدی فیول کی مد میں زرمبادلہ کی بچت کے لیے الیکٹرک بائیکس اورای رکشوں کے فروغ کے لیے 4 مختلف سبسڈی اسکیمز کا جائزہ لیا گیا۔
ای سی سی نے مالی مشکلات کے پیش نظر وزیراعظم یوتھ بزنس لون اسکیم ماڈل کے تحت نوجوانوں کو صفر شرح سود پر ای بائیکس اور رکشوں کیلئے 5 لاکھ روپے تک قرض دینے کی منظوری دیدی۔
ذاتی گارنٹی پردیا جانے والا قرضہ 3 سال میں قابل واپسی ہوگا۔اسکیم کے تحت اس مالی سال 15 ہزار الیکٹرک بائیکس اور2 ہزاررکشے فراہم کرنے کا ہدف ہے۔اگلےتین سال میں ایک لاکھ 75 ہزارای بائیکس اور 10 ہزارای رکشے دینے کا منصوبہ ہے۔ قرضہ ذاتی گارنٹی پر تین سال کیلئے دیا جائے گا۔ موجودہ مالی سال پندرہ ہزار الیکٹرک بائیکس اور دو ہزار ای رکشے فراہم کرنے کا ہدف رکھا گیا ہے۔
