Latest Urdu news from Pakistan - Peshawar, Lahore, Islamabad

پاکستان کےلئے بڑی خوشخبری!! ایف اے ٹی ایف نے پاکستان کو گرے لسٹ سے نکال دیا

سنگاپور( ویب ڈیسک) پاکستانی عوام کےلئے بڑی خوشخبری!! ایف اے ٹی ایف نے پاکستان کو گرے لسٹ سے نکال دیا۔

فنانشل ایکشن ٹاسک فورس کا اہم اجلاس آج ہوا۔ سنگاپور میں ٹی راج کمار کی زیر صدارت اجلاس ہوا۔ اس سے قبل فیٹف پاکستان کی جانب سے فیٹف ایکشن پلان پر عمل درآمد کو تسلی بخش قرار دیا گیا۔ پاکستان نام گرے لسٹ سے نکالنے کے حتمی اعلان سے پہلے فیٹف کی ٹیم فیزیکلی بھی پاکستان کا دورہ کرچکی ہے۔ جس پر اُس نے اطمینان کا اظہار کیا تھا۔
وزیراعظم شہبازشریف نے ایف اے ٹی ایف کی گرے لسٹ سے پاکستان کا نام نکلنے پر اظہار تشکر کیا۔ انہوں نے کہا کہ کہا کہ عالمی سطح پر پاکستان کی ساکھ اور وقار کی بحالی پر قوم کو مبارک ہو۔
انہوں نے کہا کہ دہشت گردی کے خلاف جنگ میں یہ ہماری عظیم قربانیوں کا اعتراف ہے۔ انسداد دہشت گردی کے لیے پاکستان کی کاوشوں کو دنیا نے تسلیم کیا ہے۔
شہباز شریف نے کہا کہ اللہ تعالی کا شکر ہے کہ پاکستان کو فاٹف کی گرے لسٹ سے نجات ملی۔ پاکستان کا سربلند ہونے پر میری گردن اللہ تعالی کے حضور شکر سے جھکی ہوئی ہے۔ فاٹف میں شامل ممالک کا شکریہ ادا کرتا ہوں کہ انہوں نے پاکستان کے مؤقف کو تسلیم کیا۔

وزیراعظم شہباز شریف نے وزیر خارجہ بلاول بھٹو زرداری، وزارت خارجہ، متعلقہ حکام اور وزارتوں اور افواج پاکستان، ڈی جی ایم او سمیت دیگر تمام ٹیم کو مبارکباد پیش کی۔
انہوں نے کہا کہ آرمی چیف جنرل قمر جاوید باجوہ کو اس کامیابی میں کلیدی کردار پر سراہتے ہیں۔ مبارک دیتے ہیں، حکومت کی اتحادی جماعتوں اور قائدین کا شکریہ ادا کرتاہوں۔ جنہوں نے بھرپور تعاون سے یہ ممکن بنایا۔
شبہاز شریف نے کہا کہ ’این آراو‘ کی تہمتیں برداشت کرکے قومی مفاد کی خاطر اپوزیشن میں بھی ہم نے اس معاملے پر پورا تعاون کیا۔ ہم نے ہمیشہ قومی اور ریاستی مفاد کو ترجیح دی۔ یہی وجہ ہے کہ اللہ تعالی نے آج یہ کامیابی عطا فرمائی۔
انہوں نے کہا کہ گرے لسٹ سے نجات کے پاکستان کی معیشت، سفارت اور سیاست پر مثبت اثرات ہوں گے۔ آنے والے وقت میں ملک اور قوم کے لیے اور بھی خوش خبریاں آئیں گی۔

جواب چھوڑیں

آپ کا ای میل ایڈریس شائع نہیں کیا جائے گا.