عاصم سلیم باجوہ سی پیک اتھارٹی کے چیئرمین مقرر
سابق ترجمان پاک فوج لیفٹیننٹ جنرل(ر) عاصم سلیم باجوہ کو سی پیک اتھارٹی کا چیئرمین مقررکردیا گیا ہے۔ ان کی تعیناتی کے حوالے سے نوٹیفکیشن بھی جاری کردیا گیا ہے، عاصم سلیم باجوہ کو4 سال کے لیے اتھارٹی کا چیئرمین تعینات کیا گیا ہے جب کہ ان کی مدت ملازمت جوائنگ کی تاریخ سے شمار کی جائے گی۔
واضح رہے کہ لیفٹیننٹ جنرل(ر) عاصم سلیم باجوہ سابق ترجمان پاک فوج اور کمانڈر سدرن کمانڈ کے طور پر بھی فرائض انجام دے چکے ہیں۔