Latest Urdu news from Pakistan - Peshawar, Lahore, Islamabad

فرانسیسی صدر کا اسلام مخالف بیان، پاکستان کی فرانسیسی سفیر کو طلب کرکے شدید مذمت

0 222

فرانسیسی صدر کی جانب سے اسلام مخالف بیان پر پاکستان نے اسلام آباد میں تعینات فرانس کے سفیر کو دفتر خارجہ طلب کرکے ایمانویل میکرون کے بیان کی شدید الفاظ میں مذمت کی ہے۔ گزشتہ روز وزیراعظم عمران خان نے فرانس کے صدر ایمانویل میکرون کے بیان کو جہالت پر مبنی قرار دیتے ہوئے کہا تھا کہ میکرون نے اسلام مخالف بیان دیکر یورپ سمیت پوری دنیا کے مسلمانوں کے جذبات کو مجروح کیا ہے۔ یاد رہے کہ فرانس کے صدر میکرون نے اپنے حالیہ بیان میں دہشت گردی کو اسلام سے جوڑا اور گستاخانہ خاکوں کی اشاعت کو آزادی اظہار رائے سے منسوب کیا تھا۔

فرانسیسی صدر کے بیان پر دنیا کے مختلف ممالک میں فرانسیسی مصنوعات کے بائیکاٹ کی مہم بھی شروع ہو گئی ہے جب کہ ترک صدر رجب طیب اردوان نے ایمانویل میکرون کو اپنے دماغ کا علاج کرانے کا مشورہ بھی دیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.