سیالکوٹ پولیس نے سوشل میڈیا پر صحافی عمران ریاض خان کی بازیابی کا اعلان کردیا۔عمران ریاض خان کو باحفاظت گھر پہنچادیا گیا ہے۔ جیل سے رہائی کی بعد باہر کھڑی پرائیویٹ گاڑی میں بیٹھ کر چلے گئے تھے۔پولیس نے عمران ریاض کی بازیابی کی خبر سوشل میڈیا اکاؤنٹ پر شئیر کیا ہے۔ بارہ مئی کو ڈسٹرکٹ جیل سے رہا کر دیا گیا تھا۔عمران ریاض کو سیالکوٹ ایئر پورٹ سے 11مئی کو تھری ایم پی او کے تحت گرفتار کیا گیا تھا۔
دوسری جانب عمران ریاض خان کے وکیل میاں علی اشفاق نے بھی عمران ریاض خان کی بازیابی کی تصدیق کردی۔ اس سے پہلے بھی جولائی 2022 میں امیگریشن حکام نے ضمانت پر رہا اینکر عمران ریاض خان کو لاہور سے دبئی جانے کی کوشش پر آف لوڈ کر دیا تھا۔
ایف آئی اے ذرائع کے مطابق اینکر عمران ریاض نے لاہور ائیرپورٹ سے دبئی جانے کی کوشش کی تاہم نام بلیک لسٹ میں ہونے پر انہیں آف لوڈ کر کے واپس گھر بھجوا دیا گیا تھا۔
