ضلع شانگلہ میں بشام کے مقام پر ایک گاڑی پر حملے کے نتیجے میں 6 افراد ہلاک جبکہ متعدد زخمی ہوگئے۔
پولیس کے مطابق بشام کے مقام پرگاڑی پر خودکش حملے کے نتیجے میں 6افراد کی ہلاک ہوگئے ہیں جبکہ حملے میں متعدد افراد زخمی بھی ہوئے۔ پولیس کے مطابق حملہ خودکش معلوم ہوتا ہے۔ حکام کے مطابق گاڑی میں ترقیاتی منصوبوں پر کام کرنے والے غیرملکی انجینئر سوار تھے۔ مسافر گاڑی اسلام آباد سے کوہستان جارہی تھی کہ راستے میں حملہ آوروں نے بارود سےبھری گاڑی ٹکرادی، جس کے باعث مسافر گاڑی کھائی میں جاگری۔ پولیس نے اور امدادی ٹیموں نے زخمیوں اور لاشوں کو اسپتال منتقل کرنے کےلیے امددی کارروائیوں کا آغاز کردیا ہے جبکہ علاقے کو گھیرے میں لے لیا اور بم ڈسپوزل یونٹ بھی پہنچ گیا ہے۔
