چیمپئنز ٹرافی:آئی سی سی وفد کا کراچی کے بعد لاہور میں پڑاؤ

آئی سی سی وفد کا کراچی کے بعد لاہور میں پڑاؤ۔انٹر نیشنل کرکٹ کونسل کے دو رکنی وفد نے چیمپئنز ٹرافی 2025کے حوالے سے قذافی اسٹیڈیم لاہور میں سہولتوں کا جائزہ لیا

آئی سی سی کا دو رکنی وفد ان دنوں پاکستان کے دورے پرہے ۔ایونٹ آپریشنز کی سینئر مینیجر سارا ایڈگر اور مینیجر عون زیدی پر مشتمل وفد نے آج لاہور کے قذافی اسٹیڈیم کا دورہ کیا ۔ پاکستان کرکٹ بورڈ کے عہدیداروں نے وفد کو مختلف امور پر بریفنگ دی۔ آئی سی سی چیمپئنز ٹرافی کے حوالے سے سہولتوں اورانتظامات کا جائزہ لیا۔وفد پی سی بی کے عہدیداروں کے ہمراہ اسٹیڈیم کی مین بلڈنگ میں پویلین اور ہاسپیٹیلٹی باکسز کا جائزہ لیا۔اس کے علاوہ وفد نے میڈیا اینڈ کمیونیکیشن کی سہولتیں اور نیشنل کرکٹ اکیڈمی کا پریکٹس ایریا بھی دیکھا۔وفد یہان کا جائزہ لینے کے بعد اسلام آباد روانہ ہوگا جہاں ہیڈ آف ایونٹس کرس ٹیٹلے وفد کو جوائن کریں گے اور پنڈی اسٹیڈیم کا دورہ کرے گا۔یاد رہے کہ لاہور سے قبل وفد نے کراچی میں نیشنل بینک کرکٹ اسٹیڈیم کا دورہ بھی کیا تھا۔