لاہور کی انسداد دہشت گردی عدالت نے بانی پاکستان تحریک انصاف ( پی ٹی آئی ) عمران خان کی تین مقدمات میں عبوری ضمانت میں 5 جولائی تک توسیع کردی ہے۔
انسداد دہشت گردی عدالت کے ایڈمن جج خالد ارشد نے جناح ہاؤس میں جلاو گھیراو سمیت باقی 3 مقدمات میں بھی بانی پی ٹی آئی کی عبوری ضمانتوں کی درخواست پر سماعت کی ہے۔عدالت میں تفتیشی افسر نے خود پیش ہونے کی بجائے جونئیر افسر کے ذریعے ریکارڈ کو بھجوایا ہے۔عدالت نے جس پر تفتیشی افسر کے وارنٹ گرفتاری بھی جاری کر دیئے ہیں۔عدالت نے دوران سماعت بانی پی ٹی آئی کی عبوری ضمانتوں میں 5 جولائی تک توسیع کردی ہے۔اس کے بعد درخواستوں پر مزید سماعت ملتوی کردی گی۔
