سوات اور گردونواح میں زلزلے کے شدید جھٹکے محسوس کئے گئے ہیں۔
ذرائع کے مطابق صوبہ کےپی کے ضلع سوات اور گردونواح میں 4.7 شدت کے زلزلے کے جھٹکے محسوس کئے گئے ہیں، جس کے باعث لوگ خوف کا شکار ہوگئے اور کلمہ طیبہ کا ورد کرتے ہوئے اپنے اپنے گھروں سے باہر نکل آئے۔
زلزلہ پیما مرکز کے مطابق زلزلے کی زیر زمین گہرائی 205 کلو میٹر تھی جبکہ اس زلزلے کا مرکز ہندوکش کا پہاڑی سلسلہ تھا۔اس واقعے میں ابھی تک کسی نقصان کی اطلاعات موصول نہیں ہوئی ہے۔
