جنوبی ایشیا میں طاقت کا توازن ایک بار پھر پاکستان کے حق میں جھک گیا جب پاکستانی فضائیہ نے ایک بڑی دفاعی کارروائی میں بھارت کا جدید ترین ایس-400 فضائی دفاعی نظام مکمل طور پر تباہ کر دیا۔ یہ کارروائی بھارتی ریاست پنجاب میں واقع آدھم پور ایئر بیس پر کی گئی، جہاں پاکستان کے جے ایف 17 تھنڈر طیاروں نے ہائپرسونک میزائل داغے اور بھارت کے "ناقابل تسخیر” سمجھے جانے والے دفاعی نظام کو چند لمحوں میں خاک میں ملا دیا۔
اس حملے میں بھارت کا سورت گڑھ ایئر فیلڈ بھی نشانہ بنا، جہاں تباہی کے مناظر نے بھارتی عوام کے "دفاعی غرور” کو چکنا چور کر دیا۔
ایس-400 سسٹم، جو روس سے 2018 میں خریدا گیا تھا، بھارت کے لیے ایک علامتی اور تکنیکی کامیابی تصور کیا جاتا تھا۔ یہ سسٹم ایک ہی وقت میں 300 اہداف کو ٹریس کرنے اور 36 کو بیک وقت تباہ کرنے کی صلاحیت رکھتا ہے۔ بھارتی حکام اور میڈیا برسوں سے اسے پاکستان کے خلاف دفاعی "ڈھال” قرار دیتے آ رہے تھے۔
مگر حالیہ واقعہ نے یہ ثابت کر دیا کہ جدید ٹیکنالوجی بھی اُس وقت بے سود ہو جاتی ہے جب حریف کی حکمت عملی، تیاری اور جرات مندی غالب آ جائے۔
پاکستانی قوم نے اپنے فضائیہ کے شاہینوں کو خراجِ تحسین پیش کیا ہے، جنہوں نے نہ صرف دشمن کا غرور خاک میں ملایا بلکہ ایک بار پھر دنیا کو دکھا دیا کہ پاکستان کی دفاعی صلاحیت کسی سے کم نہیں۔
