اپریل میں بارشوں کا 41 سالہ ریکارڈ ٹوٹ گیا

اپریل کے مہینہ میں بارشوں کا 41 سالہ ریکارڈ ٹوٹ گیا ہے۔ محکمہ موسمیات کے مطابق اپریل میں 164  فیصد سےزائد بارشیں ہوئیں ہیں۔محکمہ موسمیات نے اپریل کا ریویو جاری کردیا ہے۔مجموعی طور پر اپریل 2024 میں انسٹھ اعشاریہ تین صفر ملی میٹر بارش ہوئی ہے۔ اس سے پہلے اپریل 1983 میں پچپن اعشاریہ آٹھ صفر ملی میٹر بارش ریکارڈ کی گئی۔ ملک میں محکمہ موسمیات کے مطابق سب سے زیادہ پانچ سو بیس ملی میٹر بارش مالم جبہ میں ہوئی ہے۔ ایک روز میں سب سے زیادہ اکیانوے ملی میٹر بارش دیر اور مالم جبہ میں ریکارڈ کی گئی ہے۔اپریل میں اوسط درجہ حرارت معمول سے صفر اعشاریہ آٹھ سات سینٹی گریڈ کم رہی ہے۔جبکہ ملک کا اوسط درجہ حرارت چوبیس اعشاریہ پانچ چار کی بجائے ستائیس اعشاریہ چھ سات سینٹی گریڈ رہ گیا ہے۔