ضلع لوئر دیر کے علاقے چکدرہ غزو اوسکئی کے پہاڑوں پر نامعلوم وجوہات کی بنا پر اچانک آگ بھڑک اٹھی۔
لوئر دیر اور ملاکنڈ کی ریسکیو ٹیمیں گزشتہ 13 گھنٹوں سے مسلسل آگ کو بجھانے کی کوشیش کررہی ہیں۔ اس آگ کی وجہ سے ریسکیو اہلکاروں کی چھٹیاں بھی منسوخ کر دی گئی ہیں۔ریسکیو ذرائع کے مطابق یہ آگ پہاڑی سلسلے پر پوری طرح پھیلی ہوئی ہے، ان پہاڑوں پر نامعلوم وجوہات کی بنا پر آگ لگی ہے۔ریسکیو اہلکاروں کی طرف سے بتایا جا رہا ہے کہ پہاڑوں پر لگی آگ کو بجھانے میں تیز ہواؤں، بھڑکتے شعلوں اور اس کی تپیش کے باعث مشکلات پیش آ رہی ہیں۔تاہم ریسکیو ٹیمیں آگ کو بجھانے کے لئے انتھک محنت کررہی ہیں۔
