فیصل آباد میں رکشہ اور کار کے تصادم میں چار خواتین سمیت کم از کم پانچ افراد ہلاک ہوگئے ہیں۔
تفصیلات کے مطابق واقعہ جھمرہ فلائی اوور کے قریب پیش آیا جہاں تیز رفتار کار لوڈر رکشہ سے ٹکرا گئی جس کے نتیجے میں 5 افراد جاں بحق، جبکہ افراد 3 زخمی ہوگئے ہیں۔پولیس حکام نے بتایا کہ امجد کے نام سے ایک ورکر اپنی فیملی کے ساتھ گھر جا رہا تھا کہ تیز رفتار کار، لوڈر رکشہ سے ٹکرا گئی۔جاں بحق ہونے والوں میں ایک ہی خاندان کے پانچ افراد شامل ہیں جن میں ماں، اس کی دو نابالغ بیٹیاں، اس کا بیٹا اور اس کی ساس شامل ہیں۔مزید برآں زخمی باپ اور دو بیٹوں کو قریبی ہسپتال منتقل کر دیا گیا جبکہ ملزم ڈرائیور موقع سے فرار ہونے میں کامیاب ہو گیا۔اس سے قبل بلوچستان کے علاقے حب میں گڈانی موڑ کے قریب کار اور موٹر سائیکل میں تصادم کے نتیجے میں کم از کم تین افراد جھلس کر ہلاک ہو گئے تھے۔
