ایک ہزار ڈھانچےاجتماعی قبر سےدریافت ہوئے ہیں۔جس کو دیکھ کر ماہرین حیران رہ گئے ہیں
یورپ میں ماہرین آثار قدیمہ نے ممکنہ طور پر سب سے بڑی اجتماعی قبر کو دریافت کرلیا ہے۔بین الاقوامی میڈیا رپورٹ کے مطابق انسانوں کے جنوبی جرمنی کے شہر نیورمبرگ میں کم از کم 1 ہزار ڈھانچے دریافت کرنے کے بعد ماہرین آثار قدیمہ بھی حیران رہ گئے ہیں۔اس حوالے سے ماہرین آثار قدیمہ کا کہنا ہے کہ ممکنہ طور پر یہ یورپ میں اب تک دریافت ہونے والی سب سے بڑی اجتماعی قبر ہوسکتی ہے۔غیرملکی میڈیا کے مطابق ایک ٹیم حکام کی رہائشی عمارت کے تعمیراتی مقام کا سروے کر رہی تھی۔انہوں نے تب قبریں دریافت کیں۔8 اجتماعی قبروں میں سے 3 کی کھدائی کا عمل مکمل کیا جاچکا ہے،دیگر قبروں کے حوالے سے جبکہ جانچ کی جارہی ہے۔
غیرملکی میڈیا کے مطابق ماہرین کے مطابق اجتماعی قبروں کی کھدائی کے بعد ملنے والے ڈھانچوں کی تعداد تقریبا 1500 تک پہنچ سکتی ہے جو کہ 15ویں صدی کے آخر اور 17ویں صدی کے اوائل کے درمیان کے ہیں۔نیورمبرگ کے محکمہ ثقافت کے حکام نے اس حوالے سے کہا کہ اس طرح کی دریافت پہلے کبھی نہیں ہوئی اور نہ ہی کسی نے کبھی ایساسوچا تھا۔محکمہ ثقافت کے حکام کے مطابق نیورمبرگ شہر کے لیے یہ مقام بہت زیادہ اہمیت کا حامل ہے اور ہم تمام ممکنہ معلومات حاصل کرنے کی کوشش کی جائے گی۔
