جنوبی وزیرستان میں پاک فوج کے زیر انتظام یوتھ کنونشن کا انعقاد کیا گیا ہے
جنوبی وزیرستان میں پاک فوج کےزیرانتظام یوتھ کنونشن کاانعقاد کیا گیا ہے،کنونشن میں جنوبی وزیرستان سے بڑی تعداد میں نوجوانوں بالخصوص خواتین نے شرکت کی ہے۔کنونشن میں قیام پاکستان کےلیےدی گئی قربانیوں،نظریہ پاکستان کی اہمیت اور ملکی ترقی میں نوجوانوں کےکردارکی اہمیت پر زور دیاگیا،پاک فوج کی جانب سےجنوبی وزیرستان میں کیےجانےوالےاقدامات بالخصوص قدرتی وسائل،زرعی ترقی اور موبائل سروس کی بہتری کےلیےکی گئی کوششوں کو سراہا گیا ہے۔
تقریب میں آئی جی ایف سی خیبرپختونخواہ ساؤتھ،سول و عسکری حکام بشمول خواتین کی کثیرتعداد نے شرکت کی،اس عزم کا نوجوانوں نے اظہار کیا کہ ریاست کا ساتھ دیتےہوئے وزیرستان کےنوجوان بھی انشاء اللّٰہ پاکستان کی ترقی میں اپنابھرپور حصہ ڈالیں گے۔وہ علاقے جدھر کبھی دہشت گردوں کا راج تھا،آج نوجوانوں کی تعلیم سے منسلک سرگرمیوں کی وجہ سے پہچانا جا رہا ہے۔
