ایبٹ آباد کے حلقہ پی کے 44 پر دوبارہ گنتی جاری کر دی گئی ہے
دوبارہ ایبٹ آباد کے حلقہ پی کے 44 پر گنتی کا عمل جاری کر دیا گیا ہے۔اس حوالے سے بتایا جا رہا ہےکہ پی کے 44 پر اب تک ووٹوں کی دوبارہ گنتی کا عمل 128پولنگ سٹیشنز پر مکمل کر لیا گیا ہے۔اعلامیہ کے مطابق 22168 ووٹ کے ساتھ تحریک انصاف کے افتخار جدون آگے ہے جبکہ 20ہزار 992 ووٹ لے کر ن لیگ کے اورنگزیب نلوٹھہ پیچھے ہیں۔ن لیگ کے امیدوار اورنگزیب نلوٹھہ نے انتخابی نتائج کے حوالے سے دوبارہ گنتی کی درخواست دی تھی۔ آر او آفس کے باہر پولیس کی بھاری نفری ایبٹ آباد میں جاری دوبارہ گنتی کے موقع پر تعینات کر دی گئی ہے۔واضح رہے کہ پی ٹی آئی کے حمایت یافتہ آزاد امیدوار افتخار جدون 34867 ووٹ لے کر حلقہ پی کے 44 پر کامیاب ہوئے تھے۔
