خاتون نے ایپل آئی پیڈ اوون میں رکھ دیا،پھر کیا ہوا؟

خاتون نے کیک کی جگہ ایپل آئی پیڈ اوون میں رکھ دیا،اس کے بعد پھر کیا ہوا؟

ایک حیرت انگیز واقعہ اس وقت پیش آیا جب کچن میں کام کرتے وقت ایک خاتون نے غلطی سے اپنا مہنگا آئی پیڈ ہی اٹھا کر اوون میں پکنے کے لیے رکھ دیا اور اس طرح بڑا نقصان کر دیا۔ایک پوسٹ سوشل نیوز ایگریگیٹر ریڈٹ پر وائرل ہوئی ہے، جس میں صارف نے بتایا ہے کہ غلطی سے اس کی والدہ نے  آئی پیڈ اوون میں رکھ کر بیک کر دیا۔اس قدر خاتون نے آئی پیڈ بیک کیا کہ وہ دوبارہ ٹھیک ہونے کے قابل ہی نہیں رہا۔

دیگر صارفین نے اس وائرل پوسٹ پر بہت ہی دل چسپ تبصرے کیے اور کچھ افراد نے اہم مشورے بھی دیے ہیں، ایک صارف نے لکھا کہ آئی پیڈ ابھی تک کچا لگ رہا ہے،مزید 20 منٹ تک اوون میں پکائیں۔اسی طرح ایک صارف نے لکھا  مزے دار ایپل پائی۔ایک اور صارف نے لکھا کہ آپ کی والدہ بہت ہی خوش قسمت ہیں کہ ایپل آئی پیڈ کی بیٹری پھٹی نہیں یا کوئی اور خطرناک واقعہ پیش نہیں آیا۔اسی طرح ایک اور صارف نے لکھا کہ آپ کی والدہ امید ہے ٹھیک ہو گئی،  اوون کو کوشش کریں کہ صاف کریں اور سینیٹائز کریں تاکہ کوئی کیمیکل اوون میں نہ رہ جائے۔