افغان سرزمین کو دہشت گردوں نے محفوظ آماجگاہ بنا لیا ہے
طالبان حکومت کی حمایت کی وجہ سے افغان سرزمین دہشتگردوں کی محفوظ آماجگاہ بن گئی ہے۔اعلامیہ کے مطابق اقتدار افغان طالبان کے سنبھالنے کے بعد دہشت گرد تنظیموں کو حکومتی سہولیات کو دیکھنے کا موقع ملا ہے۔ عالمی سطح پر دن بدن بڑھتی دہشت گردی کے حوالے سے فنانشل ٹائمز نے چشم کشا رپورٹ شائع کر دی ہے۔
اس رپورٹ کے مطابق افغانستان میں القاعدہ اور داعش سمیت کئی عالمی دہشت گرد تنظیموں کی محفوظ پناہ گاہیں موجود ہیں۔ دہشت گردی ان پناہ گاہوں کی وجہ سے خطے بالخصوص پاکستان میں بڑھ رہی ہے۔ افغانستان میں رپورٹ کے مطابق دہشت گرد تنظیموں کو طالبان عبوری حکومت کی مکمل پشت پناہی حاصل ہے۔اقوام متحدہ نے گزشتہ سال بھی طالبان اور القاعدہ کے درمیان مضبوط تعلقات سے متعلق ایک رپورٹ شائع کی تھی۔مزید رپورٹ میں کہا گیا ہے کہ کئی دہائیوں سے پاکستان تو افغان دہشتگردی سے متاثر ہے ہی، مگر اب پاکستان کے ساتھ ساتھ پورا خطہ بھی افغان سر زمین سے ہونے والی دہشتگردی کی لپیٹ میں آ چکا ہے۔
