آئی سی سی ٹی ٹوئنٹی ورلڈ کپ کے اہم ترین میچ میں افغانستان نے بنگلادیش کو ڈک ورتھ لوئس سسٹم کے تحت 8 رنز سے ہرا دیا۔ افغان ٹیم پہلی بار کسی بھی ورلڈ کپ کے سیمی فائنل میں پہنچ گئی۔ افغانستان نے بنگلادیش کو جیت کے لیے 116 رنز کا ہدف دیا تھا، بنگلادیش نے سیمی فائنل میں کوالیفائی کرنے کے لیے ہدف 12.1 اوورز میں حاصل کرنا تھا۔ افغانستان کی اننگز کے اختتام پر بارش کی وجہ سے میچ کچھ دیر کے لیے روکا گیا تھا۔
بنگلہ دیش کے کھلاڑی 105 رنز ہی بناسکے اور پوری ٹیم آؤٹ ہوگئی۔ ٹی ٹوئنٹی ورلڈ کپ کے 52 ویں میچ میں گروپ ایک کی ٹیمیں افغانستان اور بنگلادیش کنگز ٹاؤن میں مدمقابل تھیں جہاں افغانستان نے ٹاس جیت کر بیٹنگ کا فیصلہ کیا۔ کپتان راشد خان 19، ابراہیم زردان 18 اور عظمت اللّٰہ عمر زئی 10 رنز بنا سکے۔ بنگلادیش کی جانب سے رشاد حسین نے 3، مستفیض الرحمان اور تسکین احمد نے ایک ایک وکٹ حاصل کی۔
اس سے قبل گروپ ون کے اہم میچ میں بھارت نے آسٹریلیا کو 24 رنز سے شکست دے کر سیمی فائنل میں جگہ بنالی ہے۔
