وزیراعلیٰ خیبرپختونخوا علی امین گنڈاپور نے بنوں واقعہ پر صوبائی ایپکس کمیٹی کا اجلاس جمعرات کو طلب کرلیا ہے۔
صوبائی مشیر برائے اطلاعات بیرسٹر سیف نے کہا ہے کہ اجلاس میں دہشت گردی کے پھیلاؤ سے متعلق تمام امور پر تبادلہ خیال کیا جائے گا۔ انہوں نے مزید کہا کہ صوبے میں امن و امان کی بحالی کے لیے پالیسی بنائی جائے گی۔صوبائی مشیر نے بتایا کہ بنوں امن کمیٹی کا اجلاس وزیراعلیٰ ہاؤس میں ہوا۔ وزیراعلیٰ نے انتظامیہ کے ساتھ بھرپور تعاون پر کمیٹی کے ارکان کا شکریہ ادا کیا۔
بیرسٹر سیف نے کہا کہ "اجلاس میں فیصلہ کیا گیا کہ سپریم کمیٹی کا اجلاس 25 جولائی کو طلب کیا جائے گا۔کے پی کے مشیر کے مطابق امن کمیٹی کے اراکین نے وزیراعلیٰ پر اعتماد کا اظہار کیا اور انہیں بنوں آنے کی دعوت دی۔مشیر اطلاعات نے کہا کہ علی امین گنڈا پور جمعہ کو بنوں کا دورہ کریں گے۔اجلاس میں یہ بھی فیصلہ کیا گیا کہ بنوں میں علامتی دھرنا جاری رہے گا۔
