پاکستان تحریک انصاف نے علی امین گنڈا پور کو وزیر اعلیٰ خیبرپختونخوا نامزد کر دیا۔ ذرائع کے مطابق یہ فیصلہ بانی پی ٹی آئی عمران خان کی جانب سے سامنے آیا ہے۔
سابق وفاقی وزیر اور عام انتخابات 2024 میں ممبر قومی و صوبائی اسمبلی منتخب ہونے والے علی امین گنڈا پور کو وزیر اعلیٰ خیبر پختونخوا نامزد کر دیا گیا ہے۔ بانی تحریک انصاف عمران خان نے اڈیالہ جیل میں کیس کی سماعت کے دوران صحافیوں سے غیر رسمی گفتگو کے دوران بتایا کہ علی امین کو وزیر اعلیٰ کے پی کے لئے نامزد کر دیا ہے۔ عمران خان کا کہنا تھا کہ ن لیگ ، پیپلز پارٹی اور ایم کیو ایم سے کوئی بات چیت نہیں ہو گی۔
