اسلام آباد : پاکستان تحریک انصاف نے مرکز اور پنجاب میں مجلس وحدت مسلمین کے ساتھ اتحاد کر کے حکومت بنانے کا اعلان کردیا۔
تفصیلات کے مطابق پاکستان تحریک انصاف کے سیکرٹری اطلاعات رؤف حسن نے پریس کانفرنس کرتے ہوئے بانی پی ٹی آئی نے مرکزاور پنجاب میں مجلس وحدت مسلمین (ایم ڈبلیو ایم) کیساتھ اتحاد کی منظوری دی ہے۔ رؤف حسن نے مزید بتایا کہ عمران خان نے خیبرپختونخوا میں جماعت اسلامی سےاتحاد کی منظوری دی ہے۔
واضح رہے اس سے قبل پاکستان تحریک انصاف کے بانی نے صوبہ خیبر پختونخوا کے وزیراعلیٰ کے لیے علی امین گنڈا پور کو نامزد کیا تھا۔ بانی پی ٹی آئی نے اڈیالہ جیل میں صحافیوں سے غیر رسمی گفتگو کرتے ہوئے کہا تھا کہ وزیراعظم کے لیے ابھی کسی نام پر اتفاق نہیں ہوا اس پر غور کروں گا۔ انہوں مزید کہا تھا کہ ایم کیو ایم، پیپلز پارٹی اور ن لیگ سے کوئی بات نہیں ہو گی۔
