امریکی صدر نے عرب ممالک سے متعلق بڑا انکشاف کرتے ہوئے کہا کہ تمام عرب ممالک اسرائیل کو تسلیم کرنے کو تیار ہیں
نیویارک میں فنڈ ریزنگ تقریب ہوئی ۔تقریب میں سابق امریکی صدور باراک اوباما اور بل کلنٹن بھی شریک ہوئے۔ فنڈ ریزنگ تقریب سے خطاب کرتے ہوئے امریکی صدر جو بائیڈن کا کہنا تھا کہ وہ سعودی عرب، مصر، اردن اور قطر سمیت دیگر تمام عرب ممالک کے ساتھ کام کر رہے ہیں۔انہوں نے فلسطین کے دو ریاستی حل پر زور دیتے ہوئے کہا ہے کہ عرب ممالک مستقبل میں اسرائیل کو تسلیم کرنے کیلئے تیار ہیں۔ عرب ممالک معاہدے کے تحت اسرائیل کو مکمل طور پر تسلیم کرنے کو تیار ہیں۔امریکی صدر کے فنڈ ریزنگ ایونٹ کے موقع پر فلسطین کی حمایت میں ریلی نکالی گئی اور مظاہرین کی جانب سے غزہ میں جنگ بندی اور اسرائیل کی امداد میں کٹوتی کا مطالبہ کیا گیا۔
