ڈیرہ اسماعیل خان میں کسٹم کی گاڑی پر فائرنگ سے چار اہلکار شہید ہو گئے

ڈیرہ اسماعیل خان میں کسٹم کی گاڑی پر دہشت گردوں کی فائرنگ سے چار اہلکار شہید ہو گئے۔ فائرنگ کے نتیجے میں ایک بچی بھی شہید ہوئی جبکہ ایک راہ گیر زخمی ہو گیا ہے ۔ یہ افسوناک واقعہ ڈی آئی خان کے علاقے درابن سگو میں پیش آیا جہاں نامعلوم دہشت گردوں نے کسٹم کی گاڑی پر فائرنگ کر دی۔

ایس ایچ او درابن کے مطابق کسٹم اہلکار معمول کے مطابق سڑک پر موجود تھے کہ اسی دوران یہ واقعہ پیش آیا۔
حملے میں چار کسٹم اہلکار جاں بحق ہوئے ہیں ساتھ ہی سڑک پر موجود ایک بچی بھی جاں بحق ہوئی اور ایک راہ گیر زخمی ہوگیا۔ ایس ایچ او کے مطابق پولیس نے علاقے کو گھیرے میں لے لیا اور حملہ آوروں کی تلاش جاری شروع کردی ہے۔