بھارت میں ایک فضائی میزبان نے اپنی جان کو خطرے میں ڈال کر سونا اسمگل کرنے کی ناکام کوشش کی۔
بھارتی خبرساں اداروں کے مطابق فضائی میزبان کی طرف سے سونا اسمگل کرنے کی کوشش کا یہ واقعہ ریاست کیرالہ کے کنور ائیرپورٹ پر پیش آیا ہے۔ڈائریکٹوریٹ آف ریونیو انٹیلی جنس کے مطابق فضائی میزبان سوربھی نے اپنی بڑی آنت کے نچلے حصے میں 960 گرام سونے کو چھپا رکھا تھا۔
بھارتی خبرساں اداروں کے مطابق سوربھی ائیر انڈیا ایکسپریس کے لیے کام کرتی ہے اور 28 مئی کو سوربھی مسقط سے کنور میں لینڈ کرنے والے طیارے کی کیبن کریو ممبر تھی۔میڈیا رپورٹس کے مطابق معلوم ہونے پر پہلے فضائی میزبان سے سوناضبط کیا گیا پھر اسے مجسٹریٹ کے سامنے پیش کیا گیا اور اس کے ساتھ ہی سوربھی کو 14 دن کے ریمانڈ پر جیل بھیج دیا گیا ہے۔رپورٹس کے مطابق سوربھی خاتون اس سے قبل بھی کئی بار سونے کو اسمگل کر چکی ہے۔
