Latest Urdu news from Pakistan - Peshawar, Lahore, Islamabad

پشاور:سکیورٹی فورسز کا آپریشن، دہشتگرد سرغنہ ساتھی سمیت ہلاک

 پشاور میں سکیورٹی فورسز نے انٹیلی جنس آپریشن کر کے دہشتگرد سرغنہ کو ساتھی سمیت ہلاک کر دیا ہے۔

پاک فوج کے شعبہ تعلقات عامہ آئی ایس پی آر کی طرف سے جاری بیان کے مطابق سکیورٹی فورسز نے 30 اور 31 مئی کی رات کو پشاور کے علاقے حسن خیل میں انٹیلی جنس بنیادوں پر آپریشن کیا۔آئی ایس پی آر کے مطابق اس آپریشن میں دہشتگردوں کا سرغنہ ایاز عرف محمد اور دہشتگرد احمدی عرف کوچی کو ہلاک کردیا گیا ہے۔جبکہ اس کے ساتھ ہی دو دہشتگرد بھی زخمی ہوگئے ہیں۔

شعبہ تعلقات عامہ کے مطابق ہلاک ہونے والے دہشتگردوں سے اسلحہ، گولہ بارود اور دھماکا خیز مواد برآمد ہوا ہے،ہلاک ہونے والے دہشتگرد سکیورٹی فورسز کے خلاف متعدد دہشتگرد کارروائیوں اور شہریوں کے قتل میں بھی شامل تھے۔آئی ایس پی آر کے مطابق علاقے میں پائے جانے والے کسی دوسرے دہشتگرد کے خاتمے کے لیے کلیئرنس آپریشن بھی جاری ہے،اس سلسلے میں مسلح افواج ملک سے دہشتگردی کے خاتمے کے لیے پرعزم ہیں۔

جواب چھوڑیں

آپ کا ای میل ایڈریس شائع نہیں کیا جائے گا.