نوشہرہ میں گیس لیکج کی وجہ سے گھر میں دھماکا ہوا۔جس کی وجہ سے 4 افراد جھلس کر بری طرح زخمی ہو گئے ہیں۔
ذرائع کے مطابق نوشہرہ کے علاقے تاروجبہ کے شہری نے گھر میں ہی انڈر گراؤنڈ چوری کا گیس کنکشن لے کر رکھا تھا،اچانک ہی گزشتہ روز گیس لیکج ہونے کے باعث دھماکا ہوا۔جس کی وجہ سے شدید آگ بھڑک اٹھی۔اس آگ میں جھلسنے کے باعث 4 افراد بری طرح متاثر ہوگئے۔اس واقعے کی اطلاع ملتے ہی ریسکیو ٹیم فوری موقع پر پہنچ گئی،تمام زخمیوں کو پشاور کے لیڈی ریڈنگ ہسپتال میں منتقل کر دیا گیا، پولیس نے جائے وقوعہ کا جائزہ لینے اور تفیش کے بعد بتایا کہ شہری نے چوری کا گیس کنکشن لے رکھا تھا۔سوئی گیس حکام کے مطابق دھماکا گیس پائپ لائن میں انڈر گراؤنڈ لیکج کی وجہ سے ہوا ہے۔
