اسلام آباد، راولپنڈی اور لاہور میں 16 دسمبرکو سانحہ آرمی پبلک سکول (اے پی ایس) پشاور کے شہید بچوں سے اظہار یکجہتی کے لیے تعطیل کا اعلان کیا گیا ہے ۔
ڈپٹی کمشنر اسلام آباد عرفان نواز میمن نے وفاقی دارالحکومت میں تعلیمی اداروں میں عام تعطیل کا نوٹیفکیشن جاری کردیا ہے ۔
نوٹیفکیشن کے مطابق اسلام آباد میں تمام نجی اور سرکاری سکول وکالج 16 دسمبر کو بند رہیں گے ۔
دوسری جانب ضلع راولپنڈی میں بھی 16 دسمبرکو تمام تعلیمی ادارے بند رہیں گے، اس حوالے سے بھی نوٹفکیشن جاری کردیا گیا ہے ۔
ڈپٹی کمشنرحسن وقار چیمہ کی جانب سے جاری نوٹیفکیشن کے مطابق 16 دسمبر کو راولپنڈی بھر کے تمام نجی اور سرکاری اسکول وکالج بند رہیں گے ۔
لاہور ضلع میں بھی نجی و سرکاری سکولوں اور کالجز میں بھی 16 دسمبر کو چھٹی کا اعلان کیا گیا ہے، ڈپٹی کمشنر سید موسیٰ رضا کی جانب سے جاری نوٹیفکیشن کے مطابق لاہور بھر کے تمام نجی و سرکاری سکول اور کالج 16 دسمبر کو بند رہیں گے ۔
