نیشنل الیکٹرک پاور ریگولیٹری اتھارٹی (نیپرا) نے مہنگائی کے ستائے ہوئے عوام پر بجلی بم گراتے ہوئے بجلی کو مزید مہنگا کردیا ہے۔
بجلی کی قیمتوں میں نیپرا نے 3 روپے 76 پیسے فی یونٹ اضافہ کر دیا ہے جس کی وجہ سے صارفین پر 46 ارب 61 کروڑ روپے کا اضافی بوجھ پڑے گا۔نیپرا کے فیصلے کے مطابق تمام صارفین سے جون میں اضافی ایک روپے 90 پیسے فی یونٹ کے حساب سے وصولی کی جائے گئی جبکہ جولائی اور اگست میں اضافی93، 93 پیسے فی یونٹ وصول کیے جائیں گے۔
