آسٹریلیا نے سڈنی میں کھیلے جانے والی سیریز کے پانچویں اور آخری ٹیسٹ میچ میں 5 وکٹوں سے فتح حاصل کر لی، ہوم ٹیم نے انگلینڈ کے خلاف 5 میچز کی ایشیز سیریز 1-4 جیت لی۔
سڈنی ٹیسٹ میں انگلینڈ کی ٹیم پہلی اننگز میں 384 جب کہ دوسری میں 342 رنز بنا سکی تھی۔
آسٹریلیا نے پہلی اننگز میں 567 رنز بنائے تھے جب کہ دوسری اننگز میں 160 رنز کا ہدف 5 وکٹوں کے نقصان پر حاصل کر لیا۔
اس کے علاوہ اس میچ میں آسٹریلیا کے تجربہ کار بیٹر اسٹیو اسمتھ نے ایک بار پھر اپنی کلاس کا مظاہرہ کرتے ہوئے ایشز کے پانچویں اور آخری ٹیسٹ میں شاندار سنچری اسکور کرتے ہوئے کئی ریکارڈز اپنے نام کیے۔
اس میچ میں شاندار کارکردگی پر ٹریوس ہیڈ کو پلیئر آف دی میچ قرار دیا گیا، جن کی پہلی اننگز میں سنچری نے آسٹریلیا کی مضبوط برتری کی بنیاد رکھی۔ جبکہ فاسٹ بولر مچل اسٹارک نے پوری سیریز میں 31 وکٹیں حاصل کر کے پلیئر آف دی سیریز کا اعزاز اپنے نام کیا۔
واضح رہے کہ آسٹریلیا کے بیٹر عثمان خواجہ کیریئر کے آخری ٹیسٹ میچ کی پہلی اننگز میں 17 اور دوسری اننگز میں 6 رنز بنا سکے۔
یاد رہے کہ ایشیز سیریز میں آسٹریلیا نے ابتدائی 3 میچز جیت کر سیریز اپنے نام کر لی تھی تاہم چوتھے میچ انگلینڈ نے کامیابی حاصل کی تھی۔
