ضلع باجوڑ میں پولیو ڈیوٹی پرمامور پولیس اہلکار نامعلوم افراد کی فائرنگ سے جاں بحق ہو گیا ہے۔
اعلامیہ کے مطابق علاقہ کو پولیس نے گھیرے میں لے کر ملزمان کے خلاف سرچ آپریشن شروع کردیا ہے۔
واضح رہے کہ نامعلوم افراد کی فائرنگ کی وجہ سے پولیس اہلکار کے جاں بحق ہونے کا یہ واقعہ باجوڑ کے ماموند کٹکوٹ میں پیش آیا ہے۔ذرائع کے مطابق زخمی اہلکار کو ہسپتال منتقل کیا گیا لیکن وہ زخموں کا تاب نہ لا سکا اور جاں بحق ہو گیا۔دوسری طرف نامعلوم حملہ آور ارتکاب جرم کرنے کے بعد فرار ہو گئے۔واضح رہے کہ آج ضلع باجوڑ میں پولیو مہم کا دوسرا دن ہے اور دوسرے ہی روز نامعلوم افراد کی فائرنگ سے پولیس اہلکار جاں بحق ہو گیاہے.
