وزیراعلی خیبرپختونخوا کے اثاثہ جات سے متلعق الیکشن کمیشن کا نوٹس معطل ہوگیا

وزیراعلی خیبر پختونخوا کے اثاثہ جات سے متلعق الیکشن کمیشن کا نوٹس معطل ہوگیا ہے۔

وزیراعلی خیبر پختونخوا علی امین گنڈاپور کے اثاثہ جات سے متلعق الیکشن کمیشن کی طرف سے سوموٹو نوٹس پشاور ہائیکورٹ نے معطل کر دیا ہے۔اس حوالے سے پشاور ہائیکورٹ میں جسٹس ایس ایم عتیق شاہ اور جسٹس شکیل احمد پر مشتمل دو رکنی بنچ نے  کیس کی سماعت کی۔پشاور ہائیکورٹ نے الیکشن کمیشن کا نوٹس معطل کرتے ہوئے الٹا الیکشن کمیشن کو نوٹس دے کر ان سے جواب طلب کر لیا ہے۔دوران سماعت وکیل درخواست گزار وزیراعلیٰ نے بتایا ہے کہ الیکشن کمیشن نے علی امین گنڈاپور کو نوٹس جاری کیا اور ساتھ ہی آج پیش ہونے کی ہدایت بھی کی ہے۔مزید وزیراعلی خیبر پختونخوا کے وکیل نے بتایا کہ یہ پچھلے سالوں کے گوشواروں کی وضاحت مانگ رہے ہیں۔ اس اقدام کا اختیار ان کے پاس نہیں ہے۔