بلوچستان کے ضلع آواران کے علاقے جھاؤ میں 5 بچے جوہڑ میں ڈوب کر جان کی بازی ہار گئے ہیں۔
بلوچستان حکومت نے اس حادثے کا نوٹس لے کر انکوائری کا حکم دے دیا ہے،جبکہ ڈپٹی کمشنر آواران عائشہ زہری کے مطابق آواران کے علاقے جھاؤ کے نواح سرمسانی بٹ میں ایک ٹھیکیدار نے سڑک کی تعمیر کیلئے گڑھا کھودا تھا جس کی وجہ سے اس گڑھے میں بارش کا پانی جمع ہوگیا۔
ڈی سی کے مطابق 5 بچے اس پانی میں نہانے کیلئے اترے تو گہرائی کے زیادہ ہونے کے باعث بچے پانی میں ڈوب کر جاں بحق ہوگئے جن میں 3 بہنیں اور 2 بھائی شامل ہیں۔
ضلعی انتظامیہ کے مطابق جاں بحق ہونے والے بچوں کی عمریں 6 سے 12سال کے درمیان ہیں،ان بچوں کی لاشیں کوپانی سے نکال کر اسپتال منتقل کردیا گیا۔
