صوبہ بلوچستان میںتربت سے کوئٹہ جانے والی مسافر بس ضلع واشک کے مقام پر حادثے کا شکار ہوکر کھائی میں جا گری۔ اس حادثے میں خواتین اور بچوں سمیت 28 افراد جاں بحق جبکہ کئی افراد زخمی بھی ہوگئے ہیں۔
واضح رہے کہ ٹائر کے پھٹنے کی وجہ سے ڈرائیور سے بس بے قابو ہو گئی اور حادثے کا شکار ہو گئی۔واضح رہے کہ حادثے کے بعد تمام زخمیوں اور لاشوں کو فوری طور پر سول ہسپتال بسیمہ منتقل کر دیا گیا ہے۔ ان میں بعض زخمیوں کو ابتدائی طبی امداد دینے کے بعد مزید علاج کے لئے کوئٹہ کی جانب منتقل کر دیا جائے گا۔
اس حوالے سے لیویز حکام کے مطابق حادثے کی اطلاع ملتے ہی امدادی کارروائیاں شروع کر دی گئیں ہیں۔اس حادثہ میں 6 افراد موقع پر ہی جاں بحق ہوگئے تھے جبکہ 22 افراد زخموں کی تاب نہ لاتے ہوئے دم توڑ گئے ہیں۔ذرائع کے مطابق حادثہ میں 28 افراد جاں بحق جبکہ متعدد افراد زخمی ہو گئے ہیں جن میں سے بعض افراد کی حالت ابھی بھی تشویشناک بتائی جا رہی ہے۔
