بنگلادیش کرکٹ بورڈ نے پی سی بی کی پیش کش کو تسلیم کرتے ہوئے 17 کے بجائے 13 اگست کو اپنی ٹیم پاکستان بھیجنے کا اعلان کردیا۔
پی سی بی کے اعلامیے میں کہا گیا ہے کہ ڈھاکہ میں کشیدگی کے باعث پی سی بی نے بنگلادیش کو ٹیم جلد پاکستان بھیجنے کی پیش کش کی تھی جسے بی سی بی نے قبول کرلیا ہے۔
پی سی بی کے مطابق بنگلہ دیش کرکٹ ٹیم کو 17 اگست کو پاکستان آنا تھا تاہم اب 13 اگست کو لاہور پہنچے گی ۔
پاکستان کرکٹ بورڈ نے بنگلہ دیش بورڈ کو پیشکش کی تھی کہ وہ اپنی ٹیم پہلے بھیج دے کیونکہ ڈھاکہ کے حالات اور کشیدگی کی وجہ سے اُسے پریکٹس کا موقع نہیں مل سکتا تھا۔
اعلامیے کے مطابق بنگلا دیش کی ٹیم اب قذافی اسٹیڈیم لاہور میں تین روز پریکٹس کرکے اسلام آباد پہنچے گی اور پھر 18 سے 20 اگست تک راولپنڈی کرکٹ سٹیڈیم میں پریکٹس کرے گی۔
پاکستان اور مہمان ٹیم کے درمیان پہلا ٹیسٹ میچ 21 اگست سے راولپنڈی میں کھیلا جائے گا۔
اس کے بعد دوسرا ٹیسٹ میچ 30 اگست سے کراچی میں ہوگا۔
