بنوں میں گزشتہ روز پولیس چیک پوسٹ سے اغوا ہونے والے 7 پولیس اہلکاروں کو بایاب کرالیا گیا ہے ۔
بنوں: ضلعی پولیس آفیسر ضیاء الدین کے مطابق مغوی اہلکاروں کو جرگہ نے بغیر کسی تاوان اور شرائط کے بازیاب کرایا ہے۔
پولیس کے مطابق دورافتاد پہاڑی علاقہ اتمانزئی سب ڈویژن میں روچہ چیک پوسٹ پر گزشتہ روز نامعلوم مسلح افراد نے حملہ کیا تھا اور 7 پولیس اہلکاروں کو اسلحہ سمیت اغواء کرلیاتھا ۔
بازیاب ہونے والے پولیس اہلکاروں میں سلیم ، عقل رحمان ، میوہ جان ، روشان ، عبدالمالک ،نعمت اللہ اور شاد محمد شامل ہیں۔
