دونوں ہاکی فیڈریشنز نے الگ الگ کیمپس لگانے کا اعلان کر دیا ہے
قومی کھیل ہاکی کی حالت مزید خراب ہونے لگی، دونوں فیڈریشنز کی طرف سے الگ الگ کیمپس لگانے کا اعلان کردیا گیا ہے۔ ہاکی کی دونوں فیڈریشنز نے عید کے بعد ہونے والے اذلان شاہ ہاکی ٹورنامنٹ کیلئے الگ الگ کیمپ لگانے کا اعلان کیا ہے جس کے باعث کھلاڑیوں کی پریشانی بڑھ گئی ہے۔ ایک کیمپ 14 اپریل سے کراچی میں جبکہ دوسرا کیمپ 16 اپریل سے اسلام آباد میں لگایا جائے گا۔70 فیصد کھلاڑی کیمپس میں بلائے گئے یکساں ہیں۔کھلاڑی جس کی وجہ سے مشکل میں پھنس میں گئے کہ کہاں جا کر رپورٹ کریں۔ہاکی پلیئرز نے شکوہ کیا کہ مسائل یہاں کم ہونے کے بجائے بڑھ گئے ہیں۔
پہلے کھلاڑی ڈیلی الاؤنس اور سہولتوں کا رونا روتے تھے اب دو فیڈریشنز بن چکی ہیں۔حکومت پاکستان سےنئی پریشانی میں پھنسے قومی کھلاڑیوں نے اپیل کی ہے کہ وہ فوری ایکشن لیں اور کھلاڑیوں کی رہنمائی کریں۔یاد رہے کہ اذلان شاہ کپ 4 سے 11 مئی تک ملائیشیا کے شہر ایپوہ میں منعقد ہوگا جبکہ دونوں فیڈریشنز نے ایونٹ کے لیے ٹیمیں بھیجنے کا اعلان کردیا ہے۔
