بشریٰ بی بی کو بنی گالا سب جیل سے اڈیالہ جیل منتقل کرنے کا حکم جاری کردیا گیا ہے۔
اسلام آباد ہائی کورٹ نے بانی پی ٹی آئی عمران خان کی اہلیہ بشری بی بی کو بنی گالہ سب جیل سے اڈیالہ جیل منتقل کرنے کا حکم جاری کردیا ہے۔جسٹس میاں گل حسن اورنگزیب نے بشری بی بی کی درخواست پر محفوظ فیصلہ سنا دیا ہے۔بشری بی بی کو عدالت نے بنی گالا سب جیل میں رکھنے کا نوٹیفکیشن غیر قانونی قرار دےدیا ہے۔گزشتہ ہفتے اسلام آباد ہائی کورٹ نے فریقین کے دلائل سننے کے بعد فیصلہ محفوظ کیا تھا۔ عدالت نے محفوظ فیصلہ سناتے ہوئے بشریٰ بی بی کی اڈیالہ جیل منتقلی کی درخواست منظور کر لی ہے۔یاد رہے کہ عدالت میں جیل حکام نے جیل میں گنجائش نہ ہونے کا مؤقف اختیار کیا تھا۔ اس کے ساتھ ہی جیل حکام نے سیکیورٹی ایشو کی وجہ سے بھی جیل منتقل نہ کرنے کا مؤقف اپنایا تھا۔
