فیصل آباد:20 کلو آٹے کی قیمت میں 800 روپے تک کمی ہوگئی

فیصل آباد میں 20 کلو آٹے کی قیمت میں 800 روپے تک کمی ہوگئی ہے۔

نئی گندم کے مارکیٹ میں آتے ہی  آٹے کی قیمت بھی نیچے آگئی ہے۔بیس کلو آٹے کی قیمت میں آٹھ سو روپے تک کمی آگئی ہے۔اعلامیہ کے مطابق فیصل آباد میں 20 کلو کے آٹے کا تھیلا  800 روپے تک کی کمی کے بعد دو ہزار روپے تک  میں فروخت ہونے لگا ہے، ساتھ ہی میدے کی پچاس کلو بوری کی قیمت میں 1500 روپے تک کمی آئی ہے۔

شہریوں کے مطابق پہلے آٹا 150 تھا اب 100 روپے ہے اس کی قیمت کو آئندہ سیزن تک کے لئےفکس کریں ، گھی کی قیمت کو بھی کم از کم 100 روپے تک کم کریں۔دوسری طرف شہر میں چکی کا آٹا بھی 160 روپے سے کم ہو کر 100 روپے کلو میں فروخت ہو رہا ہے۔ چکی مالکان کے مطابق گندم کی قیمت بہت کم ہوگئی ہے، 2 ہزار 800 میں من مل رہی ہے جس کی وجہ سے آٹے کی قیمت کم ہوئی ہے، غریب آدمی کو تو اس سے فائدہ مل رہا ہے۔