اسلام آباد میں وفاقی وزیر داخلہ محسن نقوی سے امریکی سفیر نیٹلی بیکر نے ملاقات کی. اس ملاقات میں مشرق وسطیٰ کی موجودہ صورتحال پر تبادلہ خیال کیا گیا۔
ملاقات کے دوران جنگ بندی کا خیرمقدم کیا گیا جب کہ امریکی سفیر نے پاکستان کے مضبوط اور مثبت سفارتی کردار کو سراہا۔ اس موقع پر اسلام آباد میں ہونے والے اعلیٰ سطح کے مذاکرات کے انتظامات پر بھی تفصیلی گفتگو ہوئی۔ وزیر داخلہ محسن نقوی نے کہا کہ امریکی نائب صدر جے ڈی وینس سمیت دیگر اہم شخصیات کی پاکستان آمد پر ہر لحاظ سے فول پروف سکیورٹی فراہم کرنے کے لیے جامع پلان ترتیب دیا گیا ہے۔ ملاقات میں امریکی سفیر نے پاکستان کے مخلصانہ اور تعمیری کردار کو سراہا۔
وفاقی وزیر داخلہ محسن نقوی سے امریکی سفیر کی ملاقات، اسلام آباد مذاکرات کے انتظامات پر بات چیت
