خیبرپختونخوا کے مختلف علاقوں میں سیلابی صورتحال، پاک فوج کی ریسکیو کارروائیاں جاری

خیبرپختونخوا کے مختلف علاقوں میں شدید بارشوں کے بعد سیلابی صورتحال پیدا ہوئی، جس کے نتیجے میں سڑکیں، پل اور مکانات متاثر ہوئے، خاص طور پر مہمند، باجوڑ، تیراہ، چترال اور خیبر میں صورتحال نازک رہی۔
فرنٹیئر کور خیبر پختونخوا (نارتھ) کے جوان فوری طور پر متاثرہ علاقوں میں پہنچے اور امدادی کارروائیاں شروع کیں۔ ایف سی کے پی (نارتھ) کے جوانوں کے ہمراہ نرسنگ اسٹاف بھی موجود رہا اور متاثرہ افراد کو طبی امداد فراہم کی گئی۔ ایف سی کے پی (نارتھ) نے مقامی افراد کو محفوظ مقامات پر منتقل کرنے کے ساتھ ساتھ اشیائے ضروریہ بھی فراہم کیں۔ مقامی افراد نے پاک فوج کی بروقت امداد اور انسانیت دوست جذبے کو بھرپور خراجِ تحسین پیش کیا کہ پاک فوج نے دفاع وطن کے ساتھ ساتھ عوامی فلاح اور خدمت میں بھی ایک بار پھر تاریخی کردار ادا کیا ہے۔