وفاقی آئینی عدالت نے وزیراعلیٰ خیبرپختونخوا سہیل آفریدی کی نااہلی سے متعلق کیس سماعت کیلئے مقرر کر دیا، عدالت نے پی ٹی آئی کے رکن قومی اسمبلی شیر افضل مروت ایڈوکیٹ کی درخواست کو سماعت کیلئے مقرر کیا ہے ۔
اسلام آباد: وفاقی آئینی عدالت میں وزیراعلیٰ خیبرپختونخوا سہیل آفریدی کی نااہلی کا معاملہ سماعت کیلئے مقرر کر دیا گیا ہے، چیف جسٹس وفاقی آئینی عدالت جسٹس امین الدین خان کی سربراہی میں بینچ 15 اکتوبر کو سماعت کرے گا ۔
ایڈووکیٹ شیر افضل مروت نے وزیراعلیٰ خیبرپختونخوا سہیل آفریدی کی تقرری چیلنج کر رکھی ہے، درخواست میں مؤقف اختیار کیا گیا ہے کہ سزا یافتہ شخص کسی عوامی عہدیدار کی نامزدگی کا اختیار نہیں رکھتا ۔
دوسری جانب بانی پی ٹی آئی کی اہلیہ بشریٰ بی بی کی ضمانت سے متعلق کیس کی سماعت 15 اکتوبر کو ہوگی، جسٹس امین الدین خان اور جسٹس علی باقر نجفی پر مشتمل دو رکنی بینچ سماعت کرے گا ۔
190 ملین پاؤنڈ کیس میں بشریٰ بی بی کی سزا معطلی کیلئے وفاقی آئینی عدالت سے رجوع کیا گیا تھا، ایڈووکیٹ سلمان صفدر کے ذریعے سزا معطلی کیلئے درخواست دائر کی گئی تھی ۔
بشریٰ بی بی کی قانونی ٹیم نے ہائیکورٹ کے فیصلے کے خلاف وفاقی آئینی عدالت سے رجوع کر رکھا ہے ۔
